mercredi 1 juin 2016

تسع 9 سنين من السعادة معاكم..+ أخر أخباري..

أرشيف 2012



السلام عليكم وَ رحمه الله وَ بركاته 
بزاف شافوني بالفتره الاخيره قل التفاعل ديالي والوجود بالمدونة خصوصا ، كنختفي فترة و كتسولو علي وكنرجع وكنختفي تاني  لدرجه ماعاد تا واحد كيفرق ادا انا مختفية او لا,الا شوي من المتابعات المخلصات القدامات



لي متبعيني منكم من بداية المدونة قبل 9 سنتين  كيعرفوا اني فاتحة المدونة لسبب معين ، و هو انني كنبغي الانجاز فحياتي, و انني  نطور من نفسي . كانت كتجيني تعليقات واحباطات ، كنت كنتأثر فالبداية و مع الوقت كنقول لراسي علاش ماناخذش هذ الطاقة ونحولها لشي حاجة ايجابة ليا وتعطيني دافع وهذا الي خلاني نستمر الحمدالله 

كاتجيني افكار نخلي التدوين لسبب اني ماكنحسش براسي كانعطي شي حاجة ، صعيب تكوني بلوقر وتكوني محافظة في نفس الوقت! 
 الناس كتمل و كتعيا من الهضرة و كتبغي تسمع و تشوف ، كتفقد حتى المصداقية فشي شخص ماتقدر نشوف 
حتى البشرة ديالوا
 وماكانلومهمش الصراحة لان العين ضروري تشوف باش تيق وحتى بعض المعلومات صعييب نشرحها بدون تطبيق عملي ، اصعب حاجة هي تكسب ثقه اشخاص ماشافوكش فالواقع ، علا هادشي بزاف من البلوقرز الي كانوا كيكتبوا توجهو لليوتيوب حيت   ممتع انك تتواصل بالصوت و الصورة اكثر من القرائة الي كتصيب الناس بالملل شي مرات ،  كنت كنجلس بيني وبين نفسي وكنفكر انا فين بغيت نوصل شنو الهدف ، مشي غلط تكوني حاطة هدف وتضيعي شوية بنص الطريق ، خصوصا الا كنتي فحالي خاصني نوفق بين الدار والدراري عندي 3 واحد منهم عنده مرض التوحد و بوحدو كياخد 70فالمية من الاهتمام و التفكير ديالي
  وزيدي عليهم المدونة وشغلي الخاص

كيجيني احباط كبير، و كنبغي نشد كاع الحسابات ديالي في الانترنت , ولكن في قلب الظروف الصعيبة ديالي كايجيني صوت و أمل زوين أن الخير مازال القدام. و المدونة فالحقيقة كنعتبرها مذكرة شخصية و مساحة للتغيير وكنكتب فيها افكاري و الصور الي كايعجبني نلتقطها و  نشاركها معاكم
كانت هذي غير فضفضة خفيفة باش تعرفوا شنوا كيدور فراسي وعلاش غبت مدة سنة بالظبط . أخر بوست كتبته العام لي فات. سنة صعيبة دازت عليا خصوصا بسبب ولدي لي كان لازم علي نتقبل حالته و نتعايش معاها و نفهمها باش نعطيه احسن ما عندي  

لي كنطلبه منكم هو الدعاء ليه بالتيسير و الصحة الجيدة, هاد الايامات مبقاش كياكل كاع غير وجبة وحدة فاليوم و نقص 5 كيلو فظرف 15 يوم
 :(

 اذا شفتوني غبرت تاني عرفوا أن الظروف أقوى مني

في أمان الله

 

4 commentaires :

  1. نتي من الناس اللي كيعجبني نتابعك واخا نبقا نتفرج غير فالور الزوينين ديالك
    حاولي تطلي واخا غير مره مره تواجدك غيعكيط فرصه تبدلي الجو وديري شيحاجه لي كتعجبك
    الله يشفيلك الملاك ديالك ويحفظه لك يا رب ويعطيكي الصحه والقوه باش تقابليه وتهتمي بيه
    عواشرك مبروكه =)

    http://l-s-beauty.blogspot.com/

    RépondreSupprimer
    Réponses
    1. بارك الله فيك عندك الحق وخا شي مرات صعيب الحال الله يسعدك و شكرا بزاف. أمين امين و الله يقوينا كاملين
      <3

      Supprimer
  2. hbiba diyali lah ychuf men halo. bl3aks tbarklah 3lik o 3la l9owa diyalk! Bon courage ma belle et sois forte et lah m3ak <3

    RépondreSupprimer
    Réponses
    1. Merci bcp ça fait du bien da3awat diyalkom wellah amine ma chere et Ramadan Mubarak ^^

      Supprimer

Related Posts Plugin for WordPress, Blogger...
All Right Reserved to Lily